"ШИРИНОЙ" КЕКСИ

Керакли масаллиқлар: 350 гр. қуюлтирилган сут (сгуҳёний молоко), 50 гр. майиз, 1 стакан ун, 100 гр. сариёғ, 3 дона тухум, 100 гр. ёнғоқ, бир қутидан кабарт-ма туз, ванилин.

Тайёрланиши: Тухум сариғини ажратиб, қуюлтирилган сут билан миксерда кўпиртирасиз. Ортидан эритилган сариёғни, ванилинни, майиз, ун ва кабартма тузини бирин-кетин солиб, миксерда кўпиртиришда давом этасиз.

Тухум оқини алоҳида идишга солиб, миксер ёрдамида кўпиртирасиз ва ун солинган масса билан аралаштирасиз.

Махсус думалоқ шаклдаги кекс қолипига суюқ хамирни қуясиз ва устидан майдаланган ёнғоқ мағзини охиста сепасиз. Сўнг 180 даража иссиқликда бўлган духовкада 50 дақиқа давомида пишириб оласиз.

Тайёр бўлган кексни олиб, бироз совутасиз ва кесиб, ликопларга соласиз.

"Тўмарис мерослари" ўқув маркази пазандалик курси раҳбари Дилнозахон ШОКИРОВА тайёрлади.