Орастахона

ВАННА ҚАБУЛ ҚИЛИНГ

*Хушбўй ванна қабул қилишда турли гиёҳлардан фойдаланиш танани озиқлантириб, терини майинлаштиради. Асабларни эса тинчлантиради.

Бунинг учун илиқ сув тўлдирилган ваннага тушишдан аввал сувга тўрт-беш томчи эфир ёғидан томизиб юборинг. Ушбу ванна бош мия сезиш маркази фаолиятини фаоллаштириб, асаб тизимини тинчлантириш хусусиятига эга.

* Агар сувга 2 дона каттароқ лимонни паррак-паррак қилиб кесиб ташлаб қўйиб, 10 дақиқадан сўнг ванна қабул қилсангиз, танани тинчлантиради.

* Икки ош қошиқ мойчечакни қайноқ сувга солиб дамлайсиз. 30 дақиқадан кейин дамламани докадан сузиб олиб, ваннадаги сувга аралаштирасиз. Мазкур ванна терига роҳат бағишлайди.

* 200 грамм ялпизни 1 литр сувга дамлаб қўйиб, кейин ваннадаги сувга қўшасиз. Ушбу малҳамли ваннани қабул қилсангиз, бутун танадаги чарчоқни олади ва ҳузур бағишлайди.

* Агар терингиз мулойим бўлишини истасангиз, унда ваннадаги сувга 4 томчи ўсимлик ёғи, бир ош қошиқ қаймоқ ва 3 литр сут қўшиб юборинг.

Юқорида айтиб ўтилган тавсияларни фақат 15 дақиқа давомида қабул қилиниши мақсадга мувофиқ. Лекин грипп билан касалланган пайтда ванналардан асло фойдаланиб бўлмайди.

НИГОРА тайёрлади.