БУРЧГА СОДИҚ ЎҒЛОНЛАР

Вилоятимизда ҳарбий-ватанпарварлик ойлиги доирасида бир қатор тадбирлар ўтказилмоқда. Ана шундай тадбирлардан бири АДУ қошидаги хорижий тиллар факультети 2-сон ахборот - ресурс марказида бўлиб ўтди. "Бурчга содиқ ўғлонлар" деб номланган ушбу тадбирда сўз олган хорижий тиллар факультети маънавият ва маърифат ишлари бўйича декан ўринбосари К. Жабборов ва бошқалар ёшларни ватанпарварлик руҳида тарбиялаш, уларнинг маънан ва жисмонан етук инсонлар бўлиб камолга етишишлари хусусида гапирдилар.

Ёшлар қалбида Ватанга муҳаббат, истиқлол ғояларига ҳурмат туйғуларини мустаҳкамлашга хизмат қилган тадбирнинг бадиий қисмида талабалар томонидан мусиқали дастур намойиш этилди.

Х. СИДДИҚОВА.