ЎҚУВ МАШҒУЛОТИ

Андижон шаҳридаги 37-умумтаълим мактабида рус тили фани бўйича ўқув-семинари бўлиб ўтди. Тадбирда рус тили фани ўқитувчилари Динара Ҳакимова, Дилдорахон Шамсутдиновалар 6- ва 9-синфларда улуғ рус шоирлари А. С. Пушкин ҳамда М. Ю. Лермонтовларнинг ижоди ва ҳаёти мавзусида машғулот ўтказдилар.

Тадбирда Андижон шаҳридаги мактабларнинг рус тили ва адабиёти фани ўқитувчилари иштирок этиб, ўқувчилар дарсларни қай тарзда ўзлаштираётганларининг гувоҳи бўлишди. Ўқувчиларнинг рус тилидаги чиқишлари, бу икки мутафаккирнинг ижоди ва ҳаёти ҳақида олган билимлари барчада катта таассурот қолдирди.

Ўтказилган тадбир ўқувчиларни рус тилига бўлган қизиқишини оширишга хизмат қилди.

Ш. КЕЛДИЕВ.