"ИККИ БУЮК СИЙМО"

Андижон давлат университети Хорижий тиллар факультети 2-Ахборот ресурс марказида ғазал мулкининг султони Мир Алишер Навоийнинг 574 йиллиги ҳамда шоҳ ва шоир Заҳириддин Муҳаммад Бобурнинг 532 йиллигига бағишланган "Икки буюк сиймо" деб номланган маънавий-маърифий тадбир ўтказилди.

Тадбирда 2-АРМ жамоаси ҳамда Хорижий тиллар факультети талабалари томонидан бадиий дастур намойиш этилди. Икки буюк сиймонинг рубоий ва ғазаллари рус, инглиз, немис, француз тилларида янгради, талабалар ўртасида мушоиралар бўлиб ўтди ва мумтоз куй-қўшиқлар ижро этилди. Тадбирни ўтказишдан кўзланган мақсад, ёшлар қалбида улуғ аждодларимизга бўлган ҳурмат ва эҳтиромни кучайтириш, улар қолдирган маънавий-маърифий, адабий меросини ўқиб-ўрганишга бўлган қизиқишини оширишдан иборатдир.

Якунда 2-АРМ директори М. Қурбонов сўзга чиқиб, икки буюк аждодимиз ижодий меросининг боқийлиги, уларнинг ибрат ва ҳикматга тўла асарлари ўзбек халқининг битмас-туганмас ҳазинаси эканлиги ҳақида ўз фикр-мулоҳазаларини билдирди.

М. НИЗОМОВА,

Х. РЎЗИБОЕВА.